១.ម៉ម សំនៀង៖ ផ្ដើមពីអាជីពជាអ្នកអត្ថាធិប្បាយព័ត៌មានអន្តរជាតិនៅទូរទស្សន៍បាយ័ន សំនៀង ក៏ចាប់ផ្ដើមល្បីឈ្មោះភ្លាមៗនៅចុងឆ្នាំ ២០១៧ ក្រោយបានចូលប្រឡងក្នុងកម្មវិធី "សំនៀងឯក" បង្កើតឡើងដោយទូរទស្សន៍បាយ័នតែម្ដង។ សំនៀង មានទឹកដមសំនៀងផ្អែម ស្រទន់ ហើយបើទោះមិនបានទទួលជយលាភី លោកក៏បានឈានដល់វគ្គចុងក្រោយនៃកម្មវិធីដែរ។
តាមរយៈនេះ បច្ចុប្បន្នលោកក៏បានវិវត្តខ្លួនមកជាតារាចម្រៀងមួយទៀតបន្ថែមពីអាជីពជាអ្នកអត្ថាធិប្បាយព័ត៌មាន។ ទម្រង់សិល្បៈ ផ្ទាល់ខ្លួនលោក គឺចម្រៀងប្រជាប្រិយ ឬចម្រៀងមរតកដើម។
២.ម៉ម វាសនា ឬដួង វីរៈសិទ្ធ៖ ជាអតីតតារាចម្រៀងផលិតកម្មមហាហង្ស ដែលធ្លាប់បានសាងកេរ្តិ៍ឈ្មោះតាមរយៈបទ "លេខគេ ៤៤៤៤"។ ក្រោយមកលោកក៏បានមកចូលរួមជាមួយហង្សមាស និងចាប់ផ្ដើមមានប្រជាប្រិយភាពខ្លាំង ក្រោយឈ្នះជយលាភីលេខ១ក្នុងកម្មវិធី "I am Singer Cambodia”កាលពីឆ្នាំ ២០១៦។ ទម្រង់សិល្បៈផ្ទាល់ខ្លួនរបស់ វីរៈសិទ្ធ គឺយុវវ័យផង និងមរតកដើមផង។
៣.ម៉ម ពេជ្ជរិទ្ធ៖ ប្អូនពៅរូបនេះ គឺខុសគ្នាដាច់ពីបងប្រុសទាំងពីរ គឺលោក មានបែបផែនសិល្បៈបែបយុវវ័យដាច់តែម្ដង។ ប៉ុន្តែយ៉ាងណា នៅក្នុងនោះ គឺមានបង្កប់សិល្បៈបែបខ្មែរ។ នេះបើតាមការអះអាងរបស់ បងប្រុសធំ ម៉ម សំនៀង។ ពេជ្ជរិទ្ធ មានឈ្មោះល្បីក្នុងនាមជាអ្នកនិពន្ធ Original Song ជាមួយក្រុមSmallWorldSmallBand។ ក្រៅពីនេះ លោកក៏មានបទផ្ទាល់ខ្លួនដែរ ដូចជា "ចង់ក្បែរ" “ពុក" និងបទ "បើអាច" ជាដើម។
អត្ថបទ៖ ទារិកា
ប្រភព៖http://news.sabay.com.kh/article/1042767#utm_campaign=onpage
No comments:
Post a Comment