ក្រោយពីរៀបចំពិធីភ្ជាប់ពាក្យ ហើយកាលពីថ្ងៃទី ២៧ មេសា ឆ្នាំ២០៨ ម្ចាស់ពាន Cambodian Idol រដូវកាលទី១ នី រតនា បានបង្ហើបថា រាសីឡើងគួរឲ្យកត់សម្គាល់។
តារា ចម្រៀង នី រតនា ក្រោយពីសម្រេចចិត្តភ្ជាប់ពាក្យជាមួយកញ្ញា ហេង សុវណ្ណភក្ដិណា ដែលជាកូនអ្នកជំនួញម្នាក់ លោកបានរៀបរាប់ក្នុងវីដេអូ Live ជាមួយគូដណ្ដឹងថា រាសីលោកហាក់ដូចជាហក់ឡើងខ្លាំង ព្រោះលោកមានការអញ្ជើញឲ្យឡើងកម្មវិធីទូរទស្សន៍ និងចេញទៅសម្ដែង ក្នុងការប្រគំតន្ត្រីជាច្រើនកម្មវិធី។ «តាមខ្ញុំសង្កេតមើលតាំងពីភ្ជាប់ពាក្យហើយ ដូចជាមានហុងស៊ុយបងប្អូន គឺថាការងារ Concert ជាប់គ្នាតែម្ដង គ្រាន់តែភ្ជាប់ពាក្យភ្លាម ខ្ញុំទទួលបាន Concert ជាច្រើន ទាំងនៅកញ្ចក់ទូរទស្សន៍ និងតាមខេត្ត ដូចជាថ្ងៃទី ៤ , ៥, ៦ ខ្ញុំត្រូវចុះខេត្ត»។ ក្រៅពីរៀបរាប់ពីឱកាសការងារថ្មីដែលទទួលបានជាច្រើនប្រុសស្អាតម្នាក់នេះក៏បានរៀបរាប់ពីប្រវត្តិស្នេហាដ៏ផ្អែមល្ហែមជាមួយអនាគតកូនក្រមុំលោកផងដែរ ដោយអ្នកទាំងពីមានគម្រោង ដឹកដៃគ្នាចូលរោងការនៅដើមឆ្នាំក្រោយ៕ អត្ថបទ៖ ច្រឹក ស្រីអូន ប្រភព៖
No comments:
Post a Comment